Um myndavélina
Það eru tvær myndavélar í Nokia N85. Aðalmyndavélin,
sem er með hárri upplausn, er aftan á tækinu.
Aukamyndavélin, sem er með minni upplausn, er
framan á því. Hægt er að nota báðar myndavélarnar til
að taka myndir og taka upp hreyfimyndir.
Þetta tæki styður 2592 x 1944 pixlar (5 megapixlar)
myndupplausn. Myndupplausnin í þessari handbók
getur virst önnur.
Myndir og myndskeið eru vistuð í Myndum.
Myndirnar eru á JPEG-sniði. Myndskeið eru tekin upp á
MPEG-4-sniði með endingunni .mp4, eða á 3GPP-sniði
með endingunni .3gp (samnýtingargæði).
Til að losa minni fyrir nýjar myndir og myndskeið
flyturðu t.d. skrár í tölvu með USB-gagnasnúru og
fjarlægir þær úr tækinu. Tækið lætur þig vita þegar
minnið er orðið fullt. Þá er hægt að losa minni í
gagnageymslunni eða skipta um minni.
Hægt er að senda myndir og myndskeið í
margmiðlunarskilaboðum, sem viðhengi í tölvupósti
eða með öðrum sendiaðferðum, t.d. um Bluetooth eða
með tengingu við þráðlaust staðarnet. Einnig er hægt
að hlaða þeim upp í samhæft netalbúm.